കൊളത്തൂര്‍: മാലാപറമ്പ് എടത്തചോലക്ക് സമീപം കാട്ടുതീ പടര്‍ന്നു പിടിച്ച് ഒരു ഏക്കറോളം കത്തിനശിച്ചു. ഇന്നലെ വൈകിട്ട് അഞ്ചോടെയാണ് സംഭവം. സമീപത്തെ റബര്‍തൈകളും കത്തിനശിച്ചിട്ടുണ്ട്.
ഒരു മാസത്തിനിടെ നാലുതവണയാണ് മലാപറമ്പ് എടത്തറ ചോല പ്രദേശത്ത് കാട്ടുതീ പടര്‍ന്നു പിടിക്കുന്നത്. ഒരേ ദിവസത്തില്‍ രണ്ടു തവണ അഗ്നിശമന സേനാ പ്രവര്‍ത്തകര്‍ സ്ഥലത്തെത്തി തീയണച്ചതായും റിപ്പോര്‍ട്ടുകളുണ്ട്. പ്രദേശവാസികള്‍ ചേര്‍ന്നാണ് തീയണച്ചത്.