പെരുമ്പിലാവ്: കരിക്കാട് എസ്.കെ.എസ്.എസ്.എഫ് യൂണിറ്റ് കമ്മിറ്റി ഓഫിസിന്റെ ഉദ്ഘാടനവും പൊതുസമ്മേളനവും സയ്യിദ് ഷമീര്‍ അലി ശിഹാബ് തങ്ങള്‍ ഉദ്ഘാടനം ചെയ്തു. കരിക്കാട് സെന്ററിലെ കുമരപുത്തൂര്‍ എ.പി ഉസ്താദ് നഗറില്‍ നടന്ന പൊതുസമ്മേളനത്തില്‍ അബൂബക്കര്‍ സിദ്ദീക്ക് ഹൈതമി മുഖ്യപ്രഭാഷണം നടത്തി. സമ്മേളനത്തില്‍ കുന്നംകുളം എസ്.ഐ ടി.പി ഫര്‍ഷാദ് സഹചാരി റിലീഫ് ഫണ്ട് വിതരണം ചെയ്തു. അബ്ദുല്‍ ഗഫൂര്‍ അന്‍വരി അധ്യക്ഷനായി. സുഹൈല്‍ പന്തല്ലൂര്‍, നിയാസ് പങ്കെടുത്തു.