തിരുവമ്പാടി: വീടിനു സമീപം റോഡില്‍ നിര്‍ത്തിയിട്ടിരുന്ന ഓട്ടോ കത്തിച്ചതായി പരാതി. കല്ലുരുട്ടി വടക്കയില്‍ പ്രദീപിന്റെ ഓട്ടോയാണ് ഇന്നലെ പുലര്‍ച്ചെ മൂന്നോടെ കത്തി നശിച്ചത്. നിര്‍ത്തിയിട്ട സ്ഥലത്തുനിന്ന് പത്തു മീറ്റര്‍ ദൂരെവച്ചാണ് ഓട്ടോയ്ക്ക് തീപിടിച്ചത്. മുക്കം ഫയര്‍ഫോഴ്‌സും നാട്ടുകാരും തീയണച്ചു. വീട്ടിലേക്ക് വഴിയില്ലാത്തതിനാല്‍ കല്ലുരുട്ടി കാഞ്ഞിരമുഴി റോഡരികിലാണ് പ്രദീപ് രാത്രി ഓട്ടോ നിര്‍ത്തിയിടുന്നത്. സംഭവത്തില്‍ പ്രതിഷേധിച്ച് കല്ലുരുട്ടിയിലെ ഓട്ടോ ഡ്രൈവര്‍മാര്‍ പണിമുടക്കി.