തൃക്കരിപ്പൂര്‍: ജില്ലാ സ്‌കൂള്‍ കലോത്സവ വിജയികള്‍ക്ക് നല്‍കാനുള്ള ട്രോഫികള്‍ക്ക് എന്തൊരഴക് എന്തൊരു ഭംഗി. ട്രോഫി ഒരുക്കിയ മുറിയില്‍ കയറിയവരുടെ വാക്കുകളാണിത്. വ്യക്തിഗത ഇനങ്ങളില്‍ വിജയികളാകുന്നവര്‍ക്ക് മാത്രം ട്രോഫി നല്‍കുന്ന രീതിക്ക് മാറ്റം വരു ത്തി ഗ്രൂപ്പ് ഇനങ്ങളില്‍ വിജയിക്കുന്ന മുഴുവന്‍ കുട്ടികള്‍ക്കും ട്രോഫി നല്‍കുമെന്നതാണ് പ്രത്യേകത. ട്രോഫികള്‍ കമ്മറ്റി ഓഫീസില്‍ നിന്ന് ഒപ്പിട്ട് വാങ്ങുന്ന സംവിധാനത്തില്‍ നിന്ന് മാറ്റം വരുത്തി ട്രോഫി കമ്മറ്റി ഓഫീസ് പരിസരത്ത് ഒരുക്കിയ പ്രത്യേക വേദിയില്‍ നിന്ന് വിജയികള്‍ക്ക് വിതരണം ചെയ്യും.
അതോടൊപ്പം സമ്മാനം ഏറ്റുവാങ്ങുന്നതിന്റെ ചിത്രം കുട്ടികള്‍ക്ക് തല്‍സമയം സൗജന്യമായി നല്‍കുന്നതിന് സൗകര്യം ഒരുക്കിയിട്ടുണ്ട്. കേരള ഹയര്‍സെക്കന്‍ഡറി സ്‌കൂള്‍ ടീച്ചേഴ്‌സ് യൂനിയനാണ് ട്രോഫിക്കമ്മറ്റി കൈകാര്യം ചെയ്യുന്നത്. ചെയര്‍പേഴ്‌സണ്‍ ജി സറീന, കണ്‍വീനര്‍ ശരീഫ് തങ്കയം എന്നിവരടങ്ങുന്ന കമ്മറ്റിയുടെ പരിശ്രമമാണ് ട്രോഫികള്‍ എത്തിക്കാന്‍ കഴിഞ്ഞത്. കാലപ്പഴക്കം ചെന്ന പതിനാറോളം റോളിംഗ് ട്രോഫികള്‍ പുതുക്കി നല്‍കാന്‍ കമ്മറ്റിക്ക് കഴിഞ്ഞിട്ടുണ്ട്.
തൃക്കരിപ്പൂര്‍ സ്‌കൂളിന് സൗജന്യമായി സ്ഥലം അനുവദിച്ച വി.പി.പി മുഹമ്മദ് കുഞ്ഞി പട്ടേലറുടെ സ്മരണക്കുള്ള റോളിംഗ് ട്രോഫിയും കമ്മറ്റി സംഘടിപ്പിച്ചിട്ടുണ്ട്