തെന്മല: സംസ്ഥാന വനാതിര്‍ത്തികളില്‍ ജനജാഗ്രതാ സമിതികള്‍ രൂപീകരിച്ച് വനാതിര്‍ത്തികളുടെ സംരക്ഷണവും ജനങ്ങളും വനപാലകരും തമ്മില്‍ സൗഹൃദാന്തരീക്ഷവും ഒരുക്കുമെന്ന് വനം മന്ത്രി കെ രാജു പറഞ്ഞു. ആനപെട്ട കോങ്കല്‍ നെടുങ്ങല്ലൂര്‍പച്ച വനയാത്ര സമാപന സമ്മേളനം ഉദ്ഘാടനം ചെയ്യുകയായിരുന്നു. തെന്മല ഗ്രാമപ്പഞ്ചായത്തിലെ ഉയര്‍ന്ന പ്രദേശമായ ഒറ്റക്കല്‍ കുന്നിന്‍ മുകള്‍ പ്രദേശങ്ങളിലെ രൂക്ഷമായ കുടിവെള്ള പ്രശ്‌നം പരിഹരിക്കുവാന്‍ എം.എല്‍.എ ആസ്ഥി വികസന ഫണ്ടില്‍ നിന്നും ഒരു കോടി രൂപ അനുവദിച്ചതായും മന്ത്രി കെ രാജു അറിയിച്ചു.
തെന്മല ഗ്രാമപ്പഞ്ചായത്ത് പ്രസിഡന്റ് ആര്‍ ഷൈലജ അധ്യക്ഷത വഹിച്ചു. വൈസ് പ്രസിഡന്റ് എല്‍.ഗോപിനാഥപിള്ള, നെടുങ്ങല്ലൂര്‍ പച്ച വന സംരക്ഷണ സമിതി പ്രസിഡന്റ് എ.ടി ഫിലിപ്പ്, സെക്രട്ടറി വി അശോകന്‍, ജി വി ശ്രീകുമാര്‍, തെന്മല ശെന്തുരുണി വൈല്‍ഡ് ലൈഫ് വാര്‍ഡന്‍ എന്‍ ഷാനവാസ്, ഫോറസ്റ്റ് റയിഞ്ച് ഓഫിസര്‍മാരായ സുധീര്‍, ഹിജാസ് സംസാരിച്ചു.