ലാംബി: പഞ്ചാബിലെ തെരഞ്ഞെടുപ്പ് റാലിക്കിടയില്‍ മുഖ്യമന്ത്രി പ്രകാശ് സിങ് ബാദലിനു നേരെ ചെരുപ്പേറ്. ലാംബിയ്ക്കടുത്ത രത്തഖേര ഗ്രാമത്തിലെ പ്രചാരണത്തിനിടയിലാണ് ചെരുപ്പേറുണ്ടായത്. 40കാരനായ ഗുര്‍ബചന്‍ സിങാണ് ചെരുപ്പെറിഞ്ഞതെന്ന് പൊലിസ് അറിയിച്ചു. ചെരുപ്പ് സുരക്ഷാ ഉദ്യോഗസ്ഥന്റെ ശരീരത്തില്‍ തട്ടി മുഖ്യമന്ത്രിയുടെ തലയില്‍ പതിച്ചതായും പൊലിസ് വ്യക്തമാക്കി. സിഖ് വംശജനായ ഒരു തീവ്ര ആശയക്കാരന്റെ ബന്ധുവാണ് ഗുര്‍ബചന്‍ സിങ്ങെന്ന് പൊലിസ് എസ്.പി ദുര്‍മന്‍ എച്ച് നിംബാലെ പറഞ്ഞു. മുഖ്യമന്ത്രി പ്രസംഗിച്ചുകൊണ്ടിരിയ്‌ക്കെയായിരുന്നു ചെരുപ്പെറിഞ്ഞത്. ഗുര്‍ബചനെ കസ്റ്റഡിയിലെടുത്തതായും എസ്.പി പറഞ്ഞു.