മൂന്നാര്‍: വിനോദ സഞ്ചാര കേന്ദ്രങ്ങളില്‍ സന്ദര്‍ശനത്തിനെത്തുന്നവര്‍ക്ക് മദ്യമെത്തിച്ച് വില്‍പന നടത്തി വന്നിരുന്നയാളെ എക്‌സൈസ് സംഘം പിടികൂടി. കെ.ഡി.എച്ച്.പി കമ്പനി സൈലന്റ്‌വാലി എസ്റ്റേറ്റ് ഒന്നാം ഡിവിഷനിലെ താമസക്കുന്ന കറുപ്പസാമി(44) ആണ് പിടിയിലായത്്. സൈലന്റ് വാലി വഴി മീശപ്പുലിമല സന്ദര്‍ശനത്തിനെത്തുന്ന വിനോദ സഞ്ചാരികള്‍ക്ക് മദ്യം വില്‍പന നടത്തുന്നതായി എക്‌സൈസിന് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് പ്രതി പിടിയിലായത്്.
ഇയാളില്‍ നിന്നും നാല് ലിറ്റര്‍ മദ്യവും കണ്ടെടുത്തു. പ്രിവന്റീവ് ഓഫീസര്‍ അനു ബാബു, എക്‌സൈസ് സിവില്‍ ഓഫീസര്‍മാരായ ബാലസുബ്രമണ്യന്‍, മീരാന്‍ കെ.എസ്, സുരേഷ് ബാബു, സുധീര്‍ മുഹമ്മദ്, ബിന്ദുമോള്‍, ഷിജോ അഗസ്റ്റിന്‍ എന്നിവരുടെ നേതൃത്വത്തിലുള്ള സംഘമാണ് ഇയാളെ പിടികൂടിയത്. പ്രതിയെ നെടുങ്കണ്ടം കോടതിയില്‍ ഹാജരാക്കി.