കോവളം: കാര്‍ഷിക കോളജുകളുടെ കൃഷിയിടങ്ങളില്‍ രാസവളം ഉപയോഗിക്കുന്നതും വാഴക്കുലകളില്‍ ഹോര്‍മോണ്‍ കുത്തിവെക്കുന്നതും തടയാനുള്ള ഉത്തരവിറക്കാന്‍ കൃഷിവകുപ്പ് മന്ത്രി തയാറാകണമെന്ന് പൗരാവകാശ സമിതി ഭാരവാഹികള്‍ ആവശ്യപ്പെട്ടു.ജൈവകൃഷിയെകുറിച്ചും ജൈവ കീടനാശിനികളെക്കുറിച്ചും ക്ലാസുകള്‍ സംഘടിപ്പിച്ച് ബോധവല്‍കരണം നടത്തുന്നവര്‍ തന്നെ രാസവളങ്ങള്‍ ഉപയോഗിക്കുകയാണ്.ഇതു സംബന്ധിച്ച് മുഖ്യമന്ത്രിക്ക് പരാതി നല്‍കുമെന്നും ഭാരവാഹികളായ പെരും കാവ് വിനോദ്കുമാറും സുനില്‍ കുമാറും പറഞ്ഞു.