കുണ്ടറ: പെരുമ്പുഴ തണല്‍ ചാരിറ്റബിള്‍ സൊസൈറ്റി അംഗന്‍വാടി കുട്ടികളോടൊപ്പം പുതുവര്‍ഷം ആഘോഷിച്ചു. പെരുമ്പുഴ ഗവ. എല്‍.പി.എസില്‍ ആഘോഷപരിപാടികള്‍ കുണ്ടറ എസ്.ഐ രജീഷ്‌കുമാര്‍ കേക്ക് മുറിച്ചു ഉദ്ഘാടനം ചെയ്തു. തണല്‍ പ്രസിഡന്റ് ഷിജു അദ്ധ്യക്ഷത വഹിച്ചു. തണല്‍ ചാരിറ്റബിള്‍ സൊസൈറ്റിയുടെ രക്തദാതാക്കളുടെ ലിസ്റ്റ് വേണു ബ്ലഡ് ഡോണേഷന്‍ ചെയര്‍മാന്‍ വേണുവിനു തണല്‍ രക്തദാന സേന കണ്‍വീനര്‍ സിബിന് കൈമാറി. രക്തദാന സേനയുടെ ഔപചാരികമായ ഉദ്ഘാടനവും നടന്നു.
തുടര്‍ന്ന് കുട്ടികള്‍ക്കായി വിവിധ കലാപരിപാടികള്‍ നടന്നു. തുടര്‍ന്ന് ഭക്ഷണ പാനീയങ്ങളും ബുക്കുകളും സമ്മാനങ്ങളും കുട്ടികള്‍ക്ക് വിതരണം ചെയ്തു. പെരുമ്പുഴ 15, 16 നമ്പര്‍ അംഗനവാടിയിലെ മുപ്പതോളം കുട്ടികള്‍ ഉള്‍പ്പെടെ അറുപതോളം പേര്‍ ആഘോഷപരിപാടിയില്‍ സംബന്ധിച്ചു. ഇളംമ്പള്ളൂര്‍ പഞ്ചായത്തംഗം രാജി, ധനേഷ്, വിജിത്ത്, സിബി, രതീഷ്, ശ്യാം ദാസ്, ഷിബു സംസാരിച്ചു