ചടയമംഗലം: ബ്ലോക്ക് പഞ്ചായത്തിന്റെ പരിധിയില്‍ ഉള്‍പ്പെട്ടിട്ടുള്ള കടയ്ക്കല്‍ താലൂക്ക് ആശുപത്രി നിലമേല്‍, വെളിനല്ലൂര്‍, സി.എച്ച്.സി യിലും ആശുപത്രി വികസന സമിതി രൂപീകരിച്ചപ്പോള്‍ സി.പി.എം നേതൃത്വത്തിലുള്ള ചടയമംഗലം ബ്ലോക്ക് പഞ്ചായത്ത് ഭരണ സമിതി, വികസന സമിതി അംഗങ്ങളെ ഏകപക്ഷീയമായി തീരുമാനിച്ചതില്‍ ഡി.സി.സി പ്രസിഡന്റ് ബിന്ദു കൃഷ്ണ പ്രതിഷേധിച്ചു.
ബ്ലോക്ക് പഞ്ചായത്ത് ഭരണസമിതി യോഗത്തിന്റെ അജണ്ടയില്‍ ഉള്‍പ്പെടുത്തുകയോ ചര്‍ച്ച ചെയ്യുകയോ ചെയ്യാതെ മിനുട്‌സ് ബുക്കില്‍ അംഗങ്ങളുടെ പേരുകള്‍ എഴുതി ചേര്‍ക്കുകയായിരുന്നു. പരാതി ഉയര്‍ന്ന സാഹചര്യത്തില്‍ നടപടി പുന:പരിശോധിക്കണമെന്നും എല്ലാ വിഭാഗത്തില്‍പ്പെട്ടവരെയും ഉള്‍പ്പെടുത്തി ആശുപത്രി വികസന സമിതി രൂപീകരിക്കാന്‍ നടപടി എടുക്കണമെന്നും ബിന്ദു കൃഷ്ണ ആവശ്യപ്പെട്ടു.