കട്ടാങ്ങല്‍: യുവകലാ സാംസ്‌കാരിക വേദി ഈസ്റ്റ് മലയമ്മയും ജില്ലാ ഐ.ആര്‍.ഇ അസോസിയേഷനും സംയുക്തമായി സംഘടിപ്പിച്ച ജില്ലാതല വടംവലി മത്സരം ശ്രദ്ധേയമായി. ഫ്രണ്ട്‌സ് കല്ലുള്ളതോട് ഒന്നാം സ്ഥാനവും മങ്കയം ബ്രദേര്‍സ് രണ്ടും പാസ്‌കോ പെരുവില്ലി മൂന്നും തപസ്യ മുള്ളന്‍കുന്ന് നാലും സ്ഥാനങ്ങള്‍ കരസ്ഥമാക്കി.
ജില്ലയിലെ പ്രമുഖരായ 59 ടീമുകള്‍ മാറ്റുരച്ച പരിപാടിയില്‍ സാംസ്‌കാരിക സമ്മേളനവും നടന്നു. വാര്‍ഡ് മെമ്പര്‍ മുംതാസ് ഹമീദ് ഉദ്ഘാടനം ചെയ്തു. സലീം പുല്‍പറമ്പില്‍ അധ്യക്ഷനായി.
പഞ്ചായത്ത് മെമ്പര്‍ ആലിക്കുഞ്ഞി, ഹംസ, ഷെരീഫ് മലയമ്മ, റാഫി പാരീസ്, മുസ്തഫ, ഫൈസല്‍ പാറമ്മല്‍, റിയാസ് പൂലോട്ട്, അശോകന്‍ ചെങ്ങാത്തടത്തില്‍, ബാലന്‍ സംസാരിച്ചു. പ്രദേശത്തു വിവിധ വിഷയങ്ങളില്‍ പ്രാവീണ്യം തെളിയിച്ചവരെ ചടങ്ങില്‍ ആദരിച്ചു.