ഫറോക്ക്: രാമനാട്ടുകരയില്‍ മോഹന്‍ ലാലിന്റെ പുലിമുരുകന്‍ സിനിമയുടെ വ്യാജ സിഡികള്‍ വില്‍പ്പന നടത്തിയയാളെ പൊലിസ് പിടികൂടി.
മഞ്ചേരി ആലുങ്ങല്‍ വാല്‍പ്പറമ്പില്‍ റസാക്ക് (36) ആണ് പിടിയിലായത്. ഇയാളില്‍ നിന്നു പത്ത് സിഡികള്‍ പിടിച്ചെടുത്തു. ടൗണില്‍ പാതയോരത്തു കച്ചവടം ചെയ്യുന്നതിനിടെ ഫറോക്ക് എസ്.ഐ രമേശ്കുമാറിന്റെ നേതൃത്വത്തിലാണ് ഇയാളെ പിടികൂടിയത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.