പേരാമ്പ്ര: തളര്‍വാതം വന്ന് കിടപ്പിലായ എരവട്ടൂര്‍ പുന്നയുള്ള പറമ്പില്‍ ജാനകി ( 70 )യെ എടച്ചേരി തണലില്‍ പുനരധിവസിപ്പിച്ചു. മാസങ്ങളായി കിടപ്പിലായ പട്ടികജാതി കുടുംബാംഗമായ ജാനകിക്കൊപ്പം മകന്‍ സത്യനും അരഭാഗം തളര്‍ന്ന് വര്‍ഷങ്ങളായി കിടപ്പിലാണ്. മരത്തില്‍ നിന്ന് വീണാണ് സത്യന് ഗുരുതര പരുക്കേറ്റത്. നിര്‍ദന കുടുംബം ഭക്ഷണത്തിന് പോലും വകയില്ലാതെ പ്രയാസപ്പെടുകയാണ്. ഇരുവര്‍ക്കും നാട്ടുകാരുണ്ടാക്കിയ കമ്മിറ്റിയാണ് സാധ്യമായ സഹായങ്ങള്‍ നല്‍കിവരുന്നത്. ചികിത്സാ സഹായ കമ്മിറ്റി ജാനകിയുടെ പുനരധിവാസം ആവശ്യപ്പെട്ട് പേരാമ്പ്ര ദയക്ക് നല്‍കിയ നിവേദനത്തെ തുടര്‍ന്ന് ദയ എടച്ചേരി തണലുമായി ബന്ധപ്പെട്ടാണ് അഭയം നല്‍കിയത്.