ഇരിട്ടി: നാടന്‍ തോക്കും വെടിമരുന്നുമായി യുവാവിനെ പേരാവൂര്‍ പൊലിസ് അറസ്റ്റ് ചെയ്തു. നിടുമ്പൊയില്‍ ഇരുപത്തിനാലം മൈല്‍ ചെക്യേരി കോളനിയിലെ ജയന്‍(41) ആണ് അറസ്റ്റിലായത്. ഇയാള്‍ താമസിക്കുന്ന വീടിനു സമീപത്തെ ഷെഡില്‍ നിന്നാണ് തോക്കും വെടിമരുന്നും കണ്ടെടുത്തത്. ഇപ്പോള്‍ ജയിലില്‍ കഴിയുന്ന മാവോയിസ്റ്റ് നേതാവ് രൂപേഷ് ഉള്‍പ്പെടെയുള്ളവര്‍ വന്നുപോകുന്ന കോളനി എന്നു സംശയിക്കുന്ന ഇടമാണിത്. കോളനിക്കടുത്തുള്ള സ്‌റ്റോണ്‍ ക്രഷര്‍ മാവോയിസ്റ്റുകള്‍ മുന്‍പ് അടിച്ചു തകര്‍ത്തിരുന്നു. കൂത്തുപറമ്പ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു