വെഞ്ഞാറമൂട്: നിയന്ത്രണംവിട്ട കാര്‍ ഡിവൈഡറില്‍ ഇടിച്ചു മറിഞ്ഞ് മൂന്നുപേര്‍ക്കു പരുക്കേറ്റു. ശബരിമല തീര്‍ഥാടനം കഴിഞ്ഞ് മടങ്ങുകയായിരുന്ന ഹൈദരാബാദ് സ്വദേശികള്‍ സഞ്ചരിച്ചിരുന്ന വാഹനമാണ് അപകടത്തില്‍പ്പെട്ടത്. വിഘ്‌നേഷ് (30), രാജശേഖര്‍ (33), കുമാര്‍ (34) എന്നിവര്‍ക്കാണ് പരുക്കേറ്റത്. ഇന്നലെ പുലര്‍ച്ചെ 4.40ന് എം.സി റോഡില്‍ തൈക്കാട് കവലയില്‍ ആയിരുന്നു അപകടം. കാര്‍ ഡിവൈഡറിലേക്ക് കയറി തലകീഴായി മറിയുകയായിരുന്നു. അപകടംനടന്ന ഉടന്‍ പിറകെ വന്ന വാഹനത്തിലെ യാത്രക്കാരും നാട്ടുകാരും ചേര്‍ന്ന് പരുക്കേറ്റവരെ പിരപ്പന്‍കോട് സെന്റ്‌ജോണ്‍സ് ആശുപത്രിയില്‍ പ്രവേശിപ്പിച്ചു.