മാവൂര്‍: മദ്‌റസകള്‍ രാജ്യത്ത് സമാധാനം പ്രചരിപ്പിക്കുന്നുവെന്ന് ദയൂബന്ദ് ദാറുല്‍ ഉലൂം പ്രിന്‍സിപ്പല്‍ ഖമറുദ്ദീന്‍ അല്‍ഖാസിമി. പുവ്വാട്ടുപറമ്പില്‍ മജ്‌ലിസുത്തൗഹീദ് സേവനകേന്ദ്രത്തിന്റെ ആറാം വാര്‍ഷിക സമാപന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബ്രിട്ടീഷ് ഇന്ത്യയില്‍ സ്വാതന്ത്ര്യ സമരത്തിനു തുടക്കംകുറിച്ചത് ദയൂബന്ദ് ദാറുല്‍ ഉലൂമിലെ പണ്ഡിതരാണെന്ന് അദ്ദേഹം പറഞ്ഞു.
അബ്ദുല്‍ ഖാദര്‍ കാരന്തൂര്‍ അധ്യക്ഷനായി. മുസ്‌ലിം പേഴ്‌സനല്‍ ലോബോര്‍ഡ് അംഗം അബ്ദുശുക്കൂര്‍ അല്‍ ഖാസിമി മുഖ്യപ്രഭാഷണം നടത്തി. സൈനുല്‍ ഉലമ ചെറുശ്ശേരി സൈനുദ്ദീന്‍ മുസ്‌ലിയാര്‍ അനുസ്മരണ ചടങ്ങില്‍ മാവൂര്‍ റെയ്ഞ്ച് പ്രസിഡന്റ് കെ. മുഹമ്മദ് ബാഖവി അനുസ്മരണ പ്രഭാഷണം നടത്തി. കെ. മൂസ മൗലവി, ടി.പി സുബൈര്‍ മാസ്റ്റര്‍, കെ.എം.എ റഹ്മാന്‍, എന്‍ജിനീയര്‍ ഇസ്മാഈല്‍ പ്രസംഗിച്ചു. മജ്‌ലിസ് സെക്രട്ടറി ഡോ. ഖാസിമുല്‍ ഖാസിമി സ്വാഗതും അഡ്വ. ഷമീം പക്‌സാന്‍ നന്ദിയും പറഞ്ഞു.