കോഴിക്കോട്: ഐ.എച്ച്.ആര്‍.ഡിയുടെ കീഴില്‍ വാഴക്കാട് പ്രവര്‍ത്തിക്കുന്ന കോളജ് ഓഫ് അപ്ലൈഡ് സയന്‍സില്‍ ബി.എസ്.സി ഇലക്ട്രോണിക്‌സ്, ബി.എസ്.സി കംപ്യൂട്ടര്‍ സയന്‍സ് എന്നീ കോഴ്‌സുകളിലേക്ക് ഈ അധ്യയന വര്‍ഷത്തേക്കുള്ള പ്രവേശനത്തിന് അപേക്ഷ ക്ഷണിച്ചു. കാലിക്കറ്റ് സര്‍വകലാശാല നിഷ്‌കര്‍ഷിച്ച തിയതിവരെ അപേക്ഷകള്‍ കോളജ് ഓഫിസില്‍ സ്വീകരിക്കും.
അപേക്ഷാ ഫോറം ഐ.എച്ച്.ആര്‍.ഡി വെബ്‌സൈറ്റില്‍ ലഭ്യമാണ്. ഡൗണ്‍ലോഡ് ചെയ്ത അപേക്ഷാ ഫോറം 200 രൂപ രജിസ്‌ട്രേഷന്‍ ഫീ സഹിതം കോളജ് ഓഫിസില്‍ സമര്‍പ്പിക്കണം. എസ്.സി, എസ്.ടി വിഭാഗക്കാര്‍ക്ക് 100 രൂപയാണ് രജിസ്‌ട്രേഷന്‍ ഫീ. ഇന്റര്‍വ്യൂ മെമ്മോ തപാലില്‍ വേണ്ടവര്‍ അപേക്ഷാ ഫോറത്തോടൊപ്പം സ്വന്തം മേല്‍വിലാസം എഴുതിയ സ്റ്റാംപ് പതിച്ച കവര്‍ സഹിതം പ്രിന്‍സിപ്പലിനു സമര്‍പ്പിക്കണം. ഫോണ്‍ 0483 2727070.