എടപ്പാള്‍: ജങ്ഷനിലും പരിസരങ്ങളിലുമുള്ള മൊബൈല്‍, സി.ഡി കടകളില്‍ ചങ്ങരംകുളം പൊലിസ് നടത്തിയ റെയ്ഡില്‍ വ്യാജ സി.ഡികളും നീലച്ചിത്രങ്ങളും പിടികൂടി. സംഭവത്തെ തുടര്‍ന്ന് ഹസൈനാര്‍, ആരിഫ് എന്നിവരെ പൊലിസ് അറസ്റ്റ് ചെയ്തു. ആന്റി പൈറസി സെല്‍ വിഭാഗത്തിനു ലഭിച്ച രഹസ്യ വിവരത്തെ തുടര്‍ന്നായിരുന്നു പരിശോധന. പരിശോധനയില്‍ നിലവില്‍ തിയറ്ററുകളില്‍ പ്രദര്‍ശനം തുടരുന്ന പുതിയ സിനിമകളുടെ സി.ഡികളും നീലച്ചിത്രങ്ങളും പിടിച്ചെടുത്തു. എടപ്പാള്‍, പൊന്നാനി റോഡിലെ കടയില്‍ നടത്തിയ പരിശോധനയില്‍ ഹാര്‍ഡ് ഡിസ്‌കില്‍ സൂക്ഷിച്ച പുതിയ സിനിമയുടെ കോപ്പികളും കണ്ടണ്ടെത്തി. പരിശോധനയ്ക്കു ചങ്ങരംകുളം എസ്.ഐ മനേഷ്, സിവില്‍ പൊലിസുകാരായ വിവേക്, ഷെമീര്‍, സുരേഷ് തുടങ്ങിയവരും ആന്റി പൈറസി സെല്‍ വിഭാഗത്തിലെ സെര്‍ലിന്‍ രാജും പങ്കെടുത്തു.