കൊച്ചി: കേരളത്തിലെയും തമിഴ്‌നാട്ടിലെയും ജില്ലകള്‍ ഉള്‍പ്പെടുന്ന റോട്ടറി ഇന്റര്‍നാഷനല്‍ ഡിസ്ട്രിക്ട് 3201 ന്റെ 2019-20 വര്‍ഷത്തെ ഗവര്‍ണറായി ആര്‍. മാധവ് ചന്ദ്രനെ ഏകകണ്ഠമായി തിരഞ്ഞെടുത്തു. ഔദ്യോഗിക പ്രഖ്യാപനം നിലവിലുള്ള ഗവര്‍ണര്‍ ഡോ. പ്രകാശ് ചന്ദ്രന്‍ മുന്‍ ഗവര്‍ണര്‍മാരായ സുനില്‍ കെ സഖറിയ, കമലേഷ് രഹേജ എന്നിവരുടെ സാന്നിധ്യത്തില്‍ നിര്‍വഹിച്ചു.
 മൂന്നുവര്‍ഷത്തേയ്ക്കുള്ള ഗവര്‍ണര്‍മാരെ റോട്ടറി മുന്‍കൂര്‍ തിരഞ്ഞെടുക്കാറുണ്ട്. പാലക്കാട് ചിറ്റൂരിലെ വിനോദ് കൃഷ്ണന്‍കുട്ടി 2017-18 വര്‍ഷത്തെയും കോയമ്പത്തൂരിലെ വി. പതി 2018-19 വര്‍ഷത്തെയും ഗവര്‍ണര്‍മാരായിരിക്കും.