മുംബൈ: ഇന്ത്യന്‍ നാവിക സേനക്ക് കരുത്തായി ഐ.എന്‍.എസ് ഖന്തേരി ഇന്നലെ നീറ്റിലിറക്കി. ഇന്ത്യന്‍ നാവിക സേനയുടെ സ്‌കോര്‍പീന്‍ വിഭാഗത്തില്‍പെട്ട രണ്ടാമത്തെ അന്തര്‍ വാഹിനിയാണ് ഖന്തേരി.
മുംബൈയിലെ മസഗോണ്‍ കപ്പല്‍ ഡോക്‌യാര്‍ഡില്‍ ഇന്നലെയാണ് ഖന്തേരി നീറ്റിലിറക്കിയത്. കേന്ദ്ര പ്രതിരോധ സഹമന്ത്രി സുഭാഷ് ഭംരേ, അദ്ദേഹത്തിന്റെ ഭാര്യ ബിന ഭംരേ എന്നിവര്‍ ചേര്‍ന്നാണ് ഇതിന്റെ ഉദ്ഘാടനം നിര്‍വഹിച്ചത്.
ചടങ്ങില്‍ നാവിക മേധാവി അഡ്മിറല്‍ സുനില്‍ ലാന്‍ബയും സംബന്ധിച്ചു. ഫ്രാന്‍സിന്റെ സഹായത്തോടെയാണ് അന്തര്‍ വാഹിനി നിര്‍മിച്ചത്.
2017 ഡിസംബര്‍ വരെ വിവിധ പരീക്ഷണങ്ങള്‍ക്കായി മുങ്ങിക്കപ്പലിനെ ഉപയോഗിക്കും. ഇതിനു ശേഷമാകും ഇത് നാവിക സേനയുടെ ഭാഗമാകുക.