ചങ്ങരംകുളം: കാഞ്ഞിയൂരില്‍ നിന്നു കാണാതായ നാലു വിദ്യാര്‍ഥികളെ മംഗലാപുരത്തുനിന്നു കണ്ടെത്തി. പത്താം ക്ലാസ് വിദ്യാര്‍ഥികളായ നാലു പേരെയാണ് കഴിഞ്ഞ ദിവസം കാണാതായത്. കാഞ്ഞിയൂര്‍ ചിറ്റയില്‍ മുഹമ്മദിന്റെ മകന്‍ ജാബിര്‍(16), കൊട്ടാരത്ത് വളപ്പില്‍ മുഹമ്മദിന്റെ മകന്‍ അംജദ്(15), അന്തിയൂര്‍ വളപ്പില്‍ അബ്ദുള്‍ സലീമിന്റെ മകന്‍ സഹല്‍(16), കിഴക്കൂട്ട് വളപ്പില്‍ സമദിന്റെ മകന്‍ റെമിസ്(15)എന്നിവരെയാണു കണ്ടെത്തിയത്. വീട്ടുകാരറിയാതെ ഗോവയ്ക്കു ടൂറിനു പോകാനുള്ള ശ്രമമായിരുന്നു. നാലും പേരും മൂക്കുതല ഗവ. ഹയര്‍സെക്കന്‍ഡറി സ്‌കൂളില്‍ ഈ വര്‍ഷം 10-ാം ക്ലാസ് പഠിക്കേണ്ടവരാണ്. ചങ്ങരംകുളം പൊലിസ് നടത്തിയ അന്വേഷണത്തില്‍ കുട്ടികള്‍ മംഗലാപുരത്ത് ഉണ്ടെന്ന് അറിഞ്ഞു. തുടര്‍ന്ന് എസ്.ഐ യുടെ നിര്‍ദ്ദേശ പ്രകാരം അഡിഷണല്‍ എസ്.ഐ ബേബി, സീനിയര്‍ സി.പി.ഒ ശിവകുമാര്‍ തുടങ്ങിയവരുടെ സംഘം മംഗലാപുരത്ത് എത്തുകയും കുട്ടികളെ തിരികെ കൊണ്ടുവരികയുമായിരുന്നു.