താമരശേരി: കണ്ണപ്പന്‍കുണ്ട്, മട്ടിക്കുന്ന് ഭാഗങ്ങളില്‍ താമരശേരി എക്‌സൈസ് റേഞ്ച് ഓഫിസര്‍ വി.ജി കുര്യാക്കോസിന്റെ നേതൃത്വത്തില്‍ നടത്തിയ പരിശോധനയില്‍ അഞ്ചുലിറ്റര്‍ നാടന്‍ ചാരായവുമായി യുവാവ് പിടിയിലായി. പുതുപ്പാടി ഏറാട്ടുവീട്ടില്‍ ജോസാണ് (38) അറസ്റ്റിലായത്. ചാരായം കടത്താനുപയോഗിച്ച മോട്ടോര്‍ സൈക്കിള്‍ കസ്റ്റഡിയിലെടുത്തിട്ടുണ്ട്. കണ്ണപ്പന്‍കുണ്ടണ്ട്, കൈതപ്പൊയില്‍, വള്ള്യാട്, മണല്‍വയല്‍ ഭാഗങ്ങളിലാണ് ചാരായം വില്‍പ്പന നടത്തിയിരുന്നത്. പ്രിവന്റീവ് ഓഫിസര്‍മാരായ കെ. ഗിരീഷ്, സിവില്‍ എക്‌സൈസ് ഓഫിസര്‍മാരായ കെ. വസന്തന്‍, ടി. നൗഫല്‍, സി.ജി ഷാജു, കെ. ജിനീഷ് എന്നിവരും റെയ്ഡില്‍ പങ്കെടുത്തു.