മലപ്പുറം: കോട്ടുമല അബൂബക്കര്‍ മുസ്‌ലിയാര്‍ സ്മാര കോംപ്ലക്‌സില്‍ ബാപ്പു മുസ്‌ലിയാരുടെ സ്മരണയില്‍ പ്രാര്‍ഥനാ സംഗമം നടത്തി. പിതാവിന്റെ നാമധേയത്തില്‍ സ്ഥാപിതമായ സ്ഥാപനത്തിന്റെ നായകത്വം മൂന്നു ദശാബ്ദത്തോളം വഹിച്ച ബാപ്പു മുസ്‌ലിയാര്‍ ഈ അധ്യയന വര്‍ഷം മുതിര്‍ന്ന വിദ്യാര്‍ഥികള്‍ക്ക് അധ്യാപനവും നിര്‍വഹിച്ചുപോന്നിരുന്നു.
ഇന്നലെ രാവിലെ നടന്ന പ്രാര്‍ഥനാ മജ്‌ലിസ് സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. മൗലീദ്, തഹ്‌ലീല്‍ എന്നിവയ്ക്ക് എം.ടി അബ്ദുല്ല മുസ്‌ലിയാര്‍, പ്രാര്‍ഥനയ്ക്കു ഹൈദര്‍ ഫൈസി പനങ്ങാങ്ങര എന്നിവര്‍ നേതൃത്വം നല്‍കി.
ടിപി ഇപ്പ മുസ്‌ലിയാര്‍ അധ്യക്ഷനായി. സമസ്തയുടേയും കീഴ്ഘടകങ്ങളുടേയും സംസ്ഥാന, ജില്ലാ നേതാക്കള്‍, സയ്യിദ് ശമീറലി ശിഹാബ് തങ്ങള്‍, അബ്ദുറഹ്മാന്‍ ഫൈസി കടുങ്ങല്ലൂര്‍, സുലൈമാന്‍ ഫൈസി ചുങ്കത്തറ, ശിഹാബ് ഫൈസി കൂമണ്ണ, എം.സി മായിന്‍ ഹാജി, പി.കെ ബഷീര്‍ എം.എല്‍.എ, നൂറുദ്ദീന്‍ ഫൈസി ചുങ്കത്തറ, അഹ്മദ് ബാഖവി അറവങ്കര, അബ്ദുറഹീം ബാഖവി കൂട്ടിലങ്ങാടി, അബ്ദുറഹ്മാന്‍ ഫൈസി പാതിരമണ്ണ, അഷ്‌റഫ് ഫൈസി പെരിമ്പലം, വിദ്യാര്‍ഥികള്‍, പൂര്‍വ വിദ്യാര്‍ഥികള്‍ സംബന്ധിച്ചു.