മലപ്പുറം: സുന്നി യുവജന സംഘം ജില്ലാ കമ്മിറ്റിയുടെ കീഴില്‍ പ്രവര്‍ത്തിക്കുന്ന സന്നദ്ധ വിഭാഗമായ ആമില അംഗങ്ങള്‍ക്കുവേണ്ടി നടത്തുന്ന വര്‍ക്‌ഷോപ്പിനു ജില്ലയില്‍ നാളെ തുടക്കമാകും. ജില്ലയിലെ നാലു കേന്ദ്രങ്ങളില്‍ നടക്കുന്ന വര്‍ക്‌ഷോപ്പില്‍ ആദ്യത്തേതു നാളെ കുണ്ടൂര്‍ മര്‍കസില്‍ നടക്കും.
നാളെ രാവിലെ പത്തിന് ആരംഭിക്കുന്ന ക്യാംപ് വിവിധ സെഷനുകള്‍ക്ക് ശേഷം ഞായറാഴ്ച രാവിലെ സമാപിക്കും. താനൂര്‍, തിരൂരങ്ങാടി, വേങ്ങര, വള്ളിക്കുന്ന് മണ്ഡലങ്ങളിലെ ആമില അംഗങ്ങളാണ് പങ്കെടുക്കുന്നത്. പൊന്നാനി, കോട്ടക്കല്‍, തവനൂര്‍, തിരൂര്‍ മണ്ഡലങ്ങളിലെ ആമില അംഗങ്ങള്‍ക്കുള്ള വര്‍ക്‌ഷോപ്പ് 21ന് കാടഞ്ചേരി നൂറുല്‍ ഹുദായിലും മഞ്ചേരി, ഏറനാട്, വണ്ടൂര്‍, നിലമ്പൂര്‍ മണ്ഡലങ്ങളിലെ ആമില അംഗങ്ങള്‍ക്കുള്ള വര്‍ക്‌ഷോപ്പ് 28ന് ചെറുകോട് യതീംഖാനയിലും മലപ്പുറം, കൊണ്ടോട്ടി, മങ്കട, പെരിന്തല്‍മണ്ണ മണ്ഡലങ്ങളിലെ ആമില അംഗങ്ങള്‍ക്കുള്ള വര്‍ക്‌ഷോപ്പ് ഫെബ്രവരി നാലിനു പടിഞ്ഞാറ്റുമറി മൗലാന അബ്ദുറഹ്മാന്‍ ഫസ്ഫരി മെമ്മോറിയല്‍ യതീംഖാനയിലും നടക്കും. ജില്ലാ കമ്മിറ്റി നടത്തിയ രഹ്‌നുമാ ക്യാംപില്‍ പങ്കെടുത്ത ആമില അംഗങ്ങളാണ് ക്യാംപില്‍ പങ്കെടുക്കേണ്ടത്.