കാസര്‍കോട്: 'രാഷ്ട്രരക്ഷയ്ക്കു സൗഹൃദത്തിന്റെ കരുതല്‍' എന്ന പ്രമേയത്തില്‍ 26നു കാഞ്ഞങ്ങാട്ട് സംഘടിപ്പിക്കുന്ന മനുഷ്യ ജാലികയുടെ പ്രചാരണാര്‍ഥം മേഖലാ തലങ്ങളില്‍ സംഘടിപ്പിക്കുന്ന സൗഹൃദവലയത്തിന്റെ ജില്ലാ തല ഉദ്ഘാടനം കുമ്പളയില്‍ എസ്.കെ.എസ്.എസ്.എഫ് ജില്ലാ പ്രസിഡന്റ് താജുദ്ധീന്‍ ദാരിമി പടന്ന നിര്‍വഹിച്ചു. മേഖലാ പ്രസിഡന്റ് ഖാസിം ഫൈസി അധ്യക്ഷനായി. ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര, എന്‍.കെ അബ്ദുല്ല മൗലവി, ഹാദി തങ്ങള്‍, അബൂബക്കര്‍ സാലൂദ് നിസാമി, സലാം ഫൈസി പേരാല്‍, ഇര്‍ഷാദ്, സുബൈര്‍ നിസാമി, നൗശാദ്, റാസിഖ് ഹുദവി, മുഹമ്മദ് ഫൈസി, കബീര്‍ ഫൈസി, റഫീഖ് ദാരിമി, ഇര്‍ഷാദ് ഹുദവി സംബന്ധിച്ചു. ഇന്നു ജില്ലയിലെ വിവിധ കേന്ദ്രങ്ങളില്‍ സൗഹൃദവലയം തീര്‍ക്കും.