തലശ്ശേരി: കോടിയേരി ഇല്ലത്ത്താഴെയില്‍ സി.പി.എം-ബി.ജെ.പി സംഘര്‍ഷം. ബി.ജെ.പി പ്രവര്‍ത്തകന് വെട്ടേല്‍ക്കുകയും സി.പി.എം പ്രവര്‍ത്തകന് മര്‍ദനമേല്‍ക്കുകയും ചെയ്തു. ബുധനാഴ്ച രാത്രിയോടെയാണ് അക്രമങ്ങള്‍ നടന്നത്. ബി.ജെ.പി പ്രവര്‍ത്തകന്‍ ഇല്ലത്ത്താഴെ പ്രശാന്ത് നിവാസില്‍ നിശാന്തി(26)നാണ് വെട്ടേറ്റത്. വീട്ടിലേക്ക് പോകുന്നതിനിടെ 12 അംഗ സംഘം വെട്ടിപ്പരുക്കേല്‍പ്പികയായിരുന്നെന്ന് ബി.ജെ.പി നേതൃത്വം ആരോപിച്ചു. മൂക്കിനും കാലി നും പരുക്കേറ്റ നിശാന്തിനെ തലശ്ശേരി ഇന്ദിരാഗാന്ധി സഹകരണ ആശുപത്രിയില്‍ പ്രവേശിപ്പിച്ചു. സി.പി.എം പ്രവര്‍ത്തകനായ ഇല്ലത്ത്താഴെയിലെ കെ ദില്‍ജിത്തി(28)നെ മര്‍ദനമേറ്റ പരുക്കുകളോടെ തലശ്ശേരി സഹകരണ ആശുപത്രിയില്‍ പ്രവേശിപ്പിച്ചു. ബി.ജെ.പി പ്രവര്‍ത്തകരാണ് ദില്‍ജിത്തിനെ മര്‍ദിച്ചതെന്ന് സി.പി.എം ആരോപിച്ചു.
ഒരു മാസം മുമ്പ് നിശാന്തിന്റെ വീട്ട് മുറ്റത്ത് റീത്ത് വയ്ക്കുകയും ഭീഷണി മുഴക്കുകയും ചെയ്തിരുന്നു. പൊലിസ് ഇരു സംഭവത്തിലും കേസെടുത്ത് അന്വേഷിച്ചു വരികയാണ്. പ്രദേശത്ത് പൊലിസ് കാവല്‍ ഏര്‍പ്പെടുത്തി