ശ്രീകൃഷ്ണപുരം: കടമ്പഴിപ്പുറം ബസ് സ്റ്റാന്‍ഡ് ബില്‍ഡിങ്ങില്‍ പ്രവര്‍ത്തിക്കുന്ന നെഹ്‌റു കോളജിന്റെ അഡ്മിഷന്‍ ഓഫിസ് തകര്‍ത്ത നിലയില്‍. ഓഫിസിന്റെ ജനല്‍ ചില്ലുകള്‍ തകര്‍ത്തിട്ടുണ്ട്. എന്നാല്‍ ഓഫിസ് ഇപ്പോള്‍ പ്രവര്‍ത്തിക്കുന്നില്ല. പൊലിസ് എഫ്.ഐ.ആര്‍.രജിസ്റ്റര്‍ ചെയ്തു. നെഹ്‌റു കോളജ് വിദ്യാര്‍ഥിയായിരുന്നു ജിഷ്ണുവിന്റെ മരണത്തില്‍ കോളജ് അധികൃതര്‍ കാണിക്കുന്ന ധാര്‍ഷ്ട്യം ജനങ്ങള്‍ക്കിടയില്‍ പ്രതിഷേധം ആളിക്കത്തിക്കുകയാണ്. പ്രതിഷേധങ്ങളെയും സമരങ്ങളെയും കായികമായൊ ഭീഷണി സ്വരത്തിലൊ ആണ് കോളജ് അധികൃതര്‍ നേരിടുന്നത്. ഇത് ജനങ്ങള്‍ക്കിടയില്‍ കോളജിനൊടുള്ള ശത്രുത വര്‍ധിപ്പിക്കുകയാണ്.