കോട്ടയം: മറ്റക്കര ടോംസ് കോളജിലേക്ക് വിദ്യാര്‍ഥി സംഘടനകള്‍ നടത്തിയ മാര്‍ച്ച് അക്രമാസക്തം. കോളജ് അടിച്ചു തകര്‍ത്തു. വിദ്യാര്‍ഥി സംഘടനയായ എസ്.എഫ്.ഐയുടെ പ്രതിഷേധമാര്‍ച്ചാണ് സംഘര്‍ഷാവസ്ഥയിലെത്തിയത്. കോളജിലെ ക്ലാസ് റൂമുകളും പഠനോപകരണങ്ങളും സംഘടനാ പ്രവര്‍ത്തകര്‍ അടിച്ചുതകര്‍ത്തു.

പാമ്പാടി നെഹ്‌റു കോളജിലെ വിദ്യാര്‍ഥിയായ ജിഷ്ണു പ്രണോയ് ആത്മഹത്യ ചെയ്ത സംഭവത്തില്‍ സംസ്ഥാനമൊട്ടാകെ എന്‍ജിനീയറിങ് കോളജുകള്‍ക്കെതിരേ പ്രതിഷേധം ശക്തമായിരുന്നു. അതിന്‍പ്രകാരം കോട്ടയം മറ്റക്കര ടോംസ് കോളജിനെതിരേ ശക്തമായ ആരോപണങ്ങളും പരാതികളും ഉയര്‍ന്നിരുന്നു. ഇതിനെതിരേ നടപടിയെടുക്കണമെന്നാവശ്യപ്പെട്ടാണ് എസ്.എഫ്.ഐ പ്രതിഷേധ മാര്‍ച്ച് സംഘടിപ്പിച്ചത്.

അതേസമയം, ടോംസ് കോളജിനെതിരായ ആരോപണത്തില്‍ തെളിവെടുപ്പിനായി കെ.ടി.യു സംഘം അധികൃതര്‍ കോളജിലെത്തി. തെളിവെടുപ്പ് തുടരുന്നു.