ബേക്കല്‍ (കാസര്‍കോട്): പെരിയാട്ടടുക്കം കാട്ടിയടുക്കത്ത് വീട്ടമ്മയെ കഴുത്തുമുറുക്കി കൊലപ്പെടുത്തിയ നിലയില്‍ കണ്ടെത്തി. ഇന്നു വൈകുന്നേരം ആറോടെയാണ് സംഭവം.

തനിച്ചു താമസിക്കുന്ന ദേവകി (65)യാണ് കൊല്ലപ്പെട്ടത്. ദേവകിയുടെ മക്കളും മറ്റു ബന്ധുക്കളും അടുത്തടുത്ത വീടുകളിലാണ് താമസം. അയല്‍പക്കത്തു താമസിക്കുന്ന മകന്‍ ശ്രീധരന്‍ ഇവരുടെ വീട്ടിലെത്തിയപ്പോഴാണ് കൊല്ലപ്പെട്ട നിലയില്‍ കണ്ടെത്തിയത്.

ഇവര്‍ ധരിച്ചിരുന്ന പാവാട കഴുത്തിനു മുറുക്കിയ നിലയിലാണ് മൃതദേഹം ഉണ്ടായിരുന്നത്. വിവരമറിഞ്ഞ് ബേക്കല്‍ സി.ഐ വിശ്വനാഥന്റെ നേതൃത്വത്തിലുള്ള പൊലിസ് സംഘം സ്ഥലത്തെത്തി അന്വേഷണം ആരംഭിച്ചു.

പരേതനായ പക്കീരന്റെ ഭാര്യയാണ്. മറ്റു മക്കള്‍: നാരായണി, നാരായണന്‍, രാമകൃഷ്ണന്‍. മരുമക്കള്‍: സുധാകരന്‍, നാരായണി, സരസ്വതി, ജ്യോതി.