ആലപ്പുഴ : മത്സ്യത്തൊഴിലാളികളുടെ ആരോഗ്യ സംരക്ഷണം ലക്ഷ്യമിട്ട് ഫിഷറീസ് വകുപ്പ് ആരോഗ്യവകുപ്പുമായി സഹകരിച്ച്‌നടത്തുന്ന സൗജന്യ മെഡിക്കല്‍ ക്യാമ്പ് ഇന്ന് രാവിലെ ഒമ്പതു മുതല്‍ ഉച്ചകഴിഞ്ഞ് 1.30വരെ പൊള്ളേത്തൈ ഗവണ്‍മെന്റ് ഹൈസ്‌കൂളില്‍ നടക്കും.
രാവിലെ 9.30ന് ധനകാര്യ മന്ത്രി ഡോ. ടി.എം. തോമസ് ഐസക്ക് ഉദ്ഘാടനം ചെയ്യും.മാരാരിക്കുളം തെക്ക് ഗ്രാമപഞ്ചായത്ത് പ്രസിഡന്റ് ഇന്ദിര തിലകന്‍ ആധ്യക്ഷ്യം വഹിക്കും. മുന്‍ എം.പി. അഡ്വ. ടി.ജെ. ആഞ്ചലോസ്, ജില്ലാ പഞ്ചായത്തംഗം അഡ്വ. കെ.ടി. മാത്യു, ആര്യാട് ബ്ലോക്ക് പഞ്ചായത്ത് വൈസ് പ്രസിഡന്റ് എന്‍.പി.സ്‌നേഹജന്‍, ബ്ലോക്ക് പഞ്ചായത്തംഗം ലീലാമ്മ ജേക്കബ്, ഗ്രാമപഞ്ചായത്ത് വൈസ് പ്രസിഡന്റ് എം.ജി. ലൈജു, ഗ്രാമപഞ്ചായത്തംഗം സനല്‍കുമാര്‍, ഫിഷറീസ് ഡെപ്യൂട്ടി ഡയറക്ടര്‍ എം.എസ്. സാജു, ഹെഡ്മിസ്ട്രസ് പി.ഡി. അന്നമ്മ, ഡോ. കെ.പി. ആശ, അസിസ്റ്റന്റ് ഡയറക്ടര്‍ എല്‍. വിജിരാജ് എന്നിവര്‍ പങ്കെടുക്കും.
കാട്ടൂര്‍, ചെട്ടികാട്, പൊള്ളേത്തൈ, ചെത്തി, ചേന്നവേലി മത്സ്യഗ്രാമങ്ങളിലെ മത്സ്യത്തൊഴിലാളികള്‍ക്കായാണ് ക്യാമ്പ് സംഘടിപ്പിച്ചിരിക്കുന്നത്.