പേരൂര്‍ക്കട: വാഹനങ്ങള്‍ പരസ്പരം ഉരഞ്ഞതുമായി ബന്ധപ്പെട്ടുണ്ടാ തര്‍ക്കം അടിപിടിയിലും വധശ്രമത്തിലും കലാശിച്ചു. സംഭവത്തില്‍ ഇയ്യക്കുഴി സ്വദേശി വിനീതിനാണ് (27) വെട്ടുകത്തികൊണ്ടുള്ള വെട്ടില്‍ തലക്ക് ഗുരുതരമായി പുരുക്കേറ്റത്. 

കഴിഞ്ഞദിവസം അര്‍ധരാത്രി വട്ടിയൂര്‍ക്കാവ് കുന്നംപാറയിലായിരുന്നു സംഭവം. സംഭവത്തെക്കുറിച്ച് പൊലിസ് പറയുന്നത് ഇങ്ങനെ: ഓട്ടോ ഡ്രൈവറായ വിനീത്, നെട്ടയം സ്വദേശി ഷിബു എന്നിവര്‍ തമ്മിലാണ് പ്രശ്‌നം ഉണ്ടായത്.
ഷിബു ഓടിക്കുന്ന ടിപ്പര്‍ലോറി ഓട്ടോയില്‍ ഉരസിയതുമായി ബന്ധപ്പെട്ട് ഇവര്‍ തമ്മില്‍ വാക്കുതര്‍ക്കം ഉണ്ടായിരുന്നു. ഇതിനെത്തുടര്‍ന്ന് ഇവര്‍ പരസ്പരം കണ്ടപ്പോള്‍ തര്‍ക്കം സംഘര്‍ഷത്തിന്റെ വക്കിലെത്തി. വ്യക്തിവൈരാഗ്യംമൂലം കുന്നംപാറയില്‍ വച്ച് വിനീതിനെ ഷിബു, കാച്ചാണി സ്വദേശി അനില്‍, കണ്ടാലറിയാവുന്ന മറ്റു രണ്ടുപേര്‍ എന്നിവര്‍ ബൈക്കിലെത്തി ആക്രമിക്കുകയായിരുന്നു. വെട്ടുകത്തികൊണ്ടുള്ള വെട്ടില്‍ വിനീതിന്റെ തലയ്ക്ക് പരുക്കേറ്റു. വിനീതിനെ ആക്രമിക്കാനെത്തിയ സംഘം വഴിവക്കില്‍ പാര്‍ക്ക് ചെയ്തിരുന്ന രണ്ടുബൈക്കുകളും അടിച്ചുതകര്‍ത്തു. പരാതിയുടെ അടിസ്ഥാനത്തില്‍ കണ്ടാലറിയാവുന്ന നാലു പേര്‍ക്കെതിരേ വട്ടിയൂര്‍ക്കാവ് പൊലിസ് കേസെടുത്തു.