കുറുപ്പന്തറ: കിണര്‍ തേകാന്‍ ഇറങ്ങിയ മധ്യവയസ്‌ക്കന്‍ ശ്വാസം കിട്ടാതെ കിണറ്റില്‍ കുരുങ്ങി. നാട്ടുകാര്‍ അറിയിച്ചതിനെ തുടര്‍ന്ന് ഫയര്‍ഫോഴ്‌സെത്തി ആളെ രക്ഷപെടുത്തി.
പഴേമഠം മഠത്തിപ്പറമ്പില്‍ ഷാജി സേവ്യര്‍ (44) ആണ് കിണറ്റിലകപെട്ടത്. ഇന്നലെ രാവിലെ 11.20 ഓടെയാണ് സംഭവം.
കിണര്‍ തേകിയ ശേഷം മുകളിലേക്കു കയറുമ്പേളാണ് ഷാജിക്ക് അസ്വസ്ഥതയുണ്ടായത്. തുടര്‍ന്ന് താഴേക്കു വീഴുകയായിരുന്നു. ഫയര്‍ഫോഴ്‌സെത്തി കിണറ്റില്‍ നിന്നും പുറത്തെടുത്ത ഷാജിയെ മുട്ടുചിറയിലെ സ്വകാര്യ ആശുപത്രിയില്‍ പ്രവേശിപ്പിച്ചു.