വെള്ളാങ്ങല്ലൂര്‍: കാരുമാത്ര ഗവ.യു.പി. സ്‌കൂളില്‍ കിഡ്‌സ് പാര്‍ക്കിന്റെ ശിലാസ്ഥാപനം പഞ്ചായത്ത് പ്രസിഡന്റ് പ്രസന്ന അനില്‍കുമാര്‍ നിര്‍വഹിച്ചു. എസ്.എം.സി ചെയര്‍മാന്‍ ടി.കെ.ഷറഫുദ്ദീന്‍ അധ്യക്ഷനായി. പൂര്‍വ വിദ്യാര്‍ഥികളുടേയും നാട്ടുകാരുടേയും സഹകരണത്തോടെയാണ് പാര്‍ക്ക് നിര്‍മിക്കുന്നത്. പാര്‍ക്ക് നിര്‍മാണത്തിനുള്ള ആദ്യ ഫണ്ട് പഞ്ചായത്ത് വൈസ് പ്രസിഡന്റ് ഉണ്ണികൃഷ്ണന്‍ കുറ്റിപറമ്പില്‍ മാടത്തിങ്കല്‍ മനോഹരനില്‍ നിന്ന് സ്വീകരിച്ചു. ശോഭന. പി. മേനോന്‍,നിഷ ഷാജി, ഷമ്മി ജോസഫ്, സ്‌കൂള്‍ ലീഡര്‍ ജില്‍ഷ, ടീച്ചര്‍മാരായ രഞ്ജിനി.കെ.ബി, ഓമന ടി.വി എന്നിവര്‍ സംസാരിച്ചു.