വെള്ളാങ്ങല്ലൂര്‍: തിരൂര്‍ ഗാന്ധിയന്‍ പ്രകൃതി ചികില്‍സാ കേന്ദ്രത്തിലെ ഡോ.രാധാകൃഷ്ണന്റെ നേതൃത്വത്തില്‍ നടത്തുന്ന സൈക്കിള്‍ യാത്രക്ക് വള്ളിവട്ടം ചെറുകിട ഭൂവുടമ സംഘം ബ്രാലം സെന്ററില്‍ സ്വീകരണം നല്‍കി.
ഗാന്ധിയനും സാമൂഹ്യ പ്രവര്‍ത്തകനുമായ ഇസാബിന്‍ അബ്ദുല്‍ കരീം ഉദ്ഘാടനം ചെയ്തു. സൈക്കിളില്‍ യാത്ര ചെയ്ത് ഉപജീവനം നടത്തുന്ന രവി ചാലങ്ങാത്തിനെ ജൈവ കര്‍ഷകന്‍ സലീം കാട്ടകത്ത് ആദരിച്ചു.
വി.വി.ഇസ്മാലി, കേശവമേനോന്‍, ബേബി, ഷണ്‍മുഖന്‍, പ്രകാശന്‍, റഊഫ് കരൂപ്പടന്ന, ഡോ.രാധാകൃഷ്ണന്‍, സ്‌നോബി ടീച്ചര്‍ എന്നിവര്‍ സംസാരിച്ചു. സൈക്കിള്‍ ഉപയോഗിക്കുന്നതിന്റെ ഗുണങ്ങള്‍ പ്രചരിപ്പിക്കുക എന്നതാണ് തിരൂര്‍ തുഞ്ചന്‍ പറമ്പില്‍ നിന്ന് തുടങ്ങിയ സൈക്കിള്‍ യാത്രയുടെ ലക്ഷ്യം.