തിരൂര്‍: തെരുവുനായയുടെ ആക്രമണത്തില്‍ 10 വയസുകാരന് മുഖത്തു പരുക്കേറ്റു. രണ്ടത്താണി സ്വദേശി ആലംസുപാട്ടില്‍ അസൈനാറുടെ മകനായ മുഹമ്മദ് റബീഹിനാണ് മുഖത്തും കൈയ്ക്കും ചെവിയ്ക്കും പരുക്കേറ്റത്.വീടിന്റെ മുന്‍വശത്തു കളിച്ചുകൊണ്ടിരിക്കെ തെരുവുനായ അക്രമിക്കുകയായിരുന്നു. തിരൂര്‍ ജില്ലാ ആശുപത്രിയില്‍ പ്രാഥമിക ചികിത്സ നല്‍കിയതിന് ശേഷം റബീഹിനെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. ഇന്നലെ രാവിലെ പത്തോടെയായിരുന്നു സംഭവം.