കോഴിക്കോട്: സമസ്തയുടെ സജീവ പ്രവര്‍ത്തകന്‍ കിഴക്കെ നടക്കാവ് പി.എം കുട്ടി റോഡിലെ എം.വി ആലിക്കുട്ടി ഇത്തവണത്തെ ഹജ്ജ് സേവനത്തിനു നഗരത്തിലുണ്ടാവില്ല. നഗരത്തിലെ ഹജ്ജ് സേവനരംഗത്തു കഴിഞ്ഞ നാല്‍പതു വര്‍ഷമായി സൗജന്യമായി പ്രവര്‍ത്തിച്ചു വരികയായിരുന്നു ആലിക്കോയ. ഹജ്ജ് സീസണായാല്‍ അനുബന്ധ രേഖകള്‍ ശേഖരിച്ച് ഇസ്‌ലാമിക് സെന്ററിലും ലീഗ് ഹൗസിനു മുന്നിലും ഹെല്‍പ് ഡെസ്‌ക് ആരംഭിച്ച് സഹായമെത്തിക്കുക പതിവായിരുന്നു.
കോര്‍പറേഷന്‍ ഓഫിസിനു മുന്നിലും രേഖകള്‍ ശരിപ്പെടുത്താന്‍ നെട്ടോട്ടമോടുന്നവര്‍ക്ക് ആശ്വാസമായി ആലിക്കോയയുടെ നിത്യസാന്നിധ്യമുണ്ടായിരുന്നു. ഇത്തവണയെങ്കിലും ഹജ്ജ് കര്‍മത്തിനു പോകാനാവുമെന്ന പ്രതീക്ഷ പങ്കുവച്ചാണ് ഈ സൗജന്യ സേവകന്‍ യാത്രയായത്. ശിഹാബ് തങ്ങള്‍ സ്മാരക മുസ്‌ലിം റിലീഫ് കമ്മിറ്റി എക്‌സിക്യൂട്ടിവ് കമ്മിറ്റി അംഗമാണ്.