കാഞ്ഞങ്ങാട്: എം.എസ്.എഫ് ജില്ലാ കമ്മിറ്റി പൊതുപരീക്ഷകള്‍ക്കു മുന്നോടിയായി പഞ്ചായത്തുതലങ്ങളില്‍ നടത്തുന്ന 'മുന്നൊരുക്കം 2017'ന്റെ ലോഗോ മുസ്‌ലിം ലീഗ് സംസ്ഥാന പ്രസിഡന്റ് സയ്യിദ് പാണക്കാട് ഹൈദരലി ശിഹാബ് തങ്ങള്‍ പ്രകാശനം ചെയ്തു. വിദ്യാര്‍ഥികളുടെആശങ്കകളും സംശയങ്ങളും തീര്‍ക്കുന്നതിനും പരീക്ഷക്കുള്ള തയാറെടുപ്പിനു പ്രചോദനം നല്‍കാനും വ്യക്തിത്വ വികസനം ഉണ്ടാക്കിയെടുക്കാനും പ്രത്യേക പരിശീലന ക്ലാസുകള്‍ നല്‍കും.
മുസ്‌ലിം ലീഗ് സംസ്ഥാന പ്രവര്‍ത്തക സമിതി അംഗം മെട്രോ മുഹമ്മദ് ഹാജി, എം.എസ്.എഫ് ജില്ലാ പ്രസിഡന്റ് ആബിദ് ആറങ്ങാടി, ജനറല്‍ സെക്രട്ടറി സി.ഐ.എ ഹമീദ്, സെക്രട്ടറി ഖാദര്‍ അലൂര്‍, ബഷീര്‍ വെള്ളിക്കോത്ത്, ജാഫര്‍ കല്ലഞ്ചിറ, ഹമീദ് ഹാജി, മുജീബ് തളങ്കര, ഹാരിസ്, ജംഷീര്‍, ഇര്‍ഷാദ് സംബന്ധിച്ചു.