തളിപ്പറമ്പ്: കപ്പാലത്തിനു സീപത്തു നിന്നും ഇന്നലെ രാവിലെ ലഭിച്ച 4000 രൂപയും വിലപ്പെട്ട രേഖകളുമടങ്ങിയ പഴ്‌സ് ഉടമസ്ഥനു തിരിച്ചു നല്‍കി ഓട്ടോഡ്രൈവര്‍ മാതൃകയായി. കെ.പി ഇസ്ഹാഖിന്റെതായിരുന്നു നഷ്ടപ്പെട്ട പഴ്‌സ്. അതുവഴി വരികയായിരുന്ന ഓട്ടോഡ്രൈവറും എസ്.ടി.യു പ്രവര്‍ത്തകനുമായി പി.സി ബഷീറിനാണ് പഴ്‌സ് കിട്ടിയത്.
സഹപ്രവര്‍ത്തകരോടൊപ്പം തളിപ്പറമ്പ് പൊലിസ് സ്റ്റേഷനിലെത്തി എസ്.ഐ പി രാജേഷിനെ പഴ്‌സ് ഏല്‍പ്പിക്കുകയും എസ്.ഐ ഉടമസ്ഥനെ കണ്ടെത്തി പഴ്‌സ് കൈമാറുകയും ചെയ്തു.