ജിദ്ദ: കേരള സമ്പദ് ഘടനയില്‍ പ്രവാസികളുടെ പങ്ക് മഹത്തരമാണെന്നും പ്രവാസികളുടെ അവകാശങ്ങള്‍ നേടിയെടുക്കാന്‍ ശക്തമായ പ്രക്ഷോഭം ആവശ്യമാണെന്നും പ്രൊഫ. സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ പറഞ്ഞു. നരേന്ദ്ര മോദിയുടെ ഭരണത്തിന് കീഴില്‍ രാജ്യത്ത് വര്‍ഗീയത വര്‍ധിച്ചു വരികയാണെന്നും മുസ്‌ലിം ലീഗ് വര്‍ഗീയതക്കും തീവ്രവാദത്തിനും എതിരെ ശക്തമായി പ്രവര്‍ത്തിക്കുമെന്നും അദ്ദേഹം പറഞ്ഞു.

ജിദ്ദയില്‍ കോട്ടക്കല്‍ മണ്ഡലം കെ.എം.സി.സി സംഘടിപ്പിച്ച സമ്മേളനത്തില്‍ പ്രസംഗിക്കുകയായിരുന്നു അദ്ദേഹം. ജിദ്ദ കെ.എം.സി.സി പ്രസിഡന്റ് അഹ്മദ് പാളയാട്ട് ഉദ്ഘാടനം ചെയ്തു. മണ്ഡലം കെ.എം.സി.സി പ്രസിഡന്റ് അബ്ദുറഹ്മാന്‍ കോട്ടക്കല്‍ അധ്യക്ഷത വഹിച്ചു.

അഡ്വ.് ശിഹാബ് പൊന്മള മുഖ്യപ്രഭാഷണം നടത്തി. ഹമീദലി ഷംനാദ്, കോട്ടുമല ബാപ്പു മുസ്‌ല്യാര്‍, അനാകാ അഹ്മദ് കുട്ടി ഹാജി എന്നിവരുടെ അനുസ്മരണം അബൂബക്കര്‍ അരിമ്പ്ര നിര്‍വഹിച്ചു. അഡ്വ. പി എം ഹനീഫ് , വി പി മുസ്തഫ, മജീദ് കൊട്ടീരി, ലത്തീഫ് ചാപ്പനങ്ങാടി, ജാഫര്‍ വാഫി. നാണി ഇസ്ഹാഖ് പൊന്മള, നാസര്‍ കാടാമ്പുഴ സംസാരിച്ചു. ഹിഷാം ജിഫ്രി ഖിറാഅത്ത് നടത്തി.