മേല്‍പറമ്പ്: വീടിനു മുന്നില്‍ നിര്‍ത്തിയിട്ട മോട്ടോര്‍ സൈക്കിള്‍ തീവച്ചു നശിപ്പിച്ച നിലയില്‍ കണ്ടെത്തി. മേല്‍പറമ്പ് ഐങ്ങോത്തെ മുക്താറിന്റെ ടി.വി.എസ് മോട്ടോര്‍ സൈക്കിളാണു കത്തിച്ചത്. ഇന്നലെ പുലര്‍ച്ചെ ഒരു മണിക്കാണു തീപടരുന്നതു കണ്ടത്. സീറ്റും പിറകു വശത്തെ ടയറും പൂര്‍ണമായും കത്തി നശിച്ചിട്ടുണ്ട്. വെള്ളം ഒഴിച്ചു തീകെടുത്തി ഉടന്‍ പൊലിസില്‍ വിവരം അറിയിച്ചതിനെ തുടര്‍ന്ന് ഉദ്യോഗസ്ഥര്‍ സ്ഥലത്തെത്തി പരിശോധിച്ചു.
ഓട്ടോഡ്രൈവറായ മുക്താറുമായി വിരോധമുള്ളവരെ പൊലിസ് അന്വേഷിച്ചുവരികയാണ്. അതിര്‍ത്തി തര്‍ക്കത്തിന്റെ പേരില്‍ ചിലരെ കുറിച്ചു മുക്താര്‍ പൊലിസില്‍ പരാതി നല്‍കിയിരുന്നു. അവര്‍ക്കിതുമായി ബന്ധമുണ്ടോയെന്നു പൊലിസ് അന്വേഷിച്ചുവരികയാണ്.