ലാഹോര്‍:  സിന്ധു നദി കരാര്‍ ഇന്ത്യ ഏകപക്ഷീയമായി നിര്‍ത്തലാക്കിയാല്‍ രക്തപുഴ ഒഴുകുമെന്ന് മുംബൈ ഭീകരാക്രമണ സൂത്രധാരന്‍ ഹാഫിസ് സഈദ്. ഫൈസലാബാദില്‍ നടന്ന കശ്മിര്‍ സമ്മേളനത്തില്‍ സംസാരിക്കുകയായിരുന്നു സഈദ്. ഇന്ത്യക്കും സൈനികര്‍ക്കും എതിരേ പ്രകോപനകരമായ പ്രസംഗമാണ് സഈദ് നടത്തിയത്.
 ഇന്ത്യയെ തങ്ങളുടെ പ്രവര്‍ത്തകര്‍ തകര്‍ത്തു കൊണ്ടിരിക്കുകയാണെന്നും അവരെ ലക്ഷ്യത്തില്‍ നിന്ന് പിന്തിരിപ്പിക്കാന്‍ ഇന്ത്യയ്ക്ക് കഴിയില്ലെന്നും സഈദ് പറഞ്ഞു.
ബലൂച് നേതാവ് ഷഹ്‌സൈന്‍ ബുഗ്ദിയും സമ്മേളനത്തില്‍ പങ്കെടുത്തു. ഇന്ത്യയ്‌ക്കെതിരേ താന്‍ തനിച്ചല്ലെന്നും പാകിസ്താനൊപ്പം ബലൂച് ജനതയുമുണ്ടെന്നും ബുഗ്ദിയെ ചൂണ്ടിക്കാട്ടി സഈദ് പറഞ്ഞു. അരലക്ഷം ബലൂച് യുവാക്കള്‍ ഇന്ത്യയ്‌ക്കെതിരേ പോരാടാന്‍ തയാറാണെന്നും സഈദ് അവകാശപ്പെട്ടു.