കൃഷ്ണഗിരി: മുഖ്യമന്ത്രി പിണറായി വിജയന്‍ കൃഷ്ണഗിരി ക്രിക്കറ്റ് സ്റ്റേഡിയം സന്ദര്‍ശിച്ചു. ജില്ലയില്‍ പ്രകൃതി സൗഹാര്‍ദപരമായ രീതിയില്‍ അന്താരാഷ്ട്ര നിലവാരത്തിലുള്ള സ്റ്റേഡിയം നിര്‍മിച്ചതു കാണാനാണ് മുഖ്യമന്ത്രിയെത്തിയത്.
നിര്‍മാണപ്രവൃത്തികള്‍ പ്രകൃതി സൗഹാര്‍ദപരമാകേണ്ടത് അത്യാവശ്യമാണെന്ന് അദ്ദേഹം പറഞ്ഞു.
കഴിഞ്ഞ സംസ്ഥാന സ്‌കൂള്‍ കായികമേളയില്‍ ജില്ലയിലെ ഏക സ്വര്‍ണമെഡല്‍ ജേതാവും ക്രിക്കറ്റ് അക്കാദമി അംഗവും സുല്‍ത്താന്‍ ബത്തേരി അസംപ്ഷന്‍ ഹൈസ്‌കൂള്‍ വിദ്യാര്‍ഥിനിയുമായ ഐ.വി ദൃശ്യക്ക് മുഖ്യമന്ത്രി ഉപഹാരം നല്‍കി. ബി.സി.സി.ഐ വൈസ് പ്രസിഡന്റ് ടി.സി മാത്യു, കേരള ക്രിക്കറ്റ് അസോസിയേഷന്‍ പ്രസിഡന്റ് വിനോദ്, സെക്രട്ടറി ജയേഷ് ജോര്‍ജ്ജ്, വൈസ് പ്രസിഡന്റ് നാസര്‍ മച്ചാന്‍, ജില്ലാ പ്രസിഡന്റ് ജാഫര്‍ സേട്ട്, അസോസിയേഷന്‍ ഭാരവാഹികളായ രാജന്‍ പൂലൂര്‍, സലീം കടവന്‍ സംബന്ധിച്ചു.