തലശ്ശേരി: ഇല്ലത്ത്താഴെയില്‍ വെള്ളിയാഴ്ച അര്‍ധ രാത്രി രണ്ടിടത്ത് ബോംബേറ്. രണ്ടിടത്തായി സ്റ്റീല്‍ ബോംബും അച്ചാര്‍ കുപ്പിക്കുള്ളില്‍ നിറച്ച നാടന്‍ ബോംബുമാണ് പൊട്ടിയതെന്ന് പൊലിസ് പറഞ്ഞു. എസ്. പി കെ.പി ഫിലിപ്പിന്റെ നേതൃത്വത്തില്‍ പൊലിസ് സ്ഥലത്തെത്തി പരിശോധന നടത്തി. ഇന്നലെ രാവിലെ മുതല്‍ പ്രദേശത്ത് വ്യാപകമായ റെയ്ഡ് നടത്തി. ഇല്ലത്ത്താഴെയിലെ രാജീവ്കുമാറിന്റെ പരാതി പ്രകാരം ബോംബ് സ്‌ഫോടനത്തില്‍ തലശ്ശേരി പൊലിസ് കേസെടുത്തു. തലശ്ശേരി ഡിവൈ.എസ്.പി പ്രിന്‍സ് അബ്രഹാം, സി.ഐ പ്രദീപന്‍ കണ്ണിപ്പൊയില്‍ എന്നിവരുടെ നേതൃത്വത്തില്‍ ഇല്ലത്ത്താഴെ പ്രദേശത്ത് പൊലിസ് കാവല്‍ ഏര്‍പ്പെടുത്തി. പ്രദേശത്ത് പൊലിസ് പ്രത്യേക പിക്കറ്റ് പോസ്റ്റ് ഏര്‍പ്പെടുത്തിയിട്ടുണ്ട്.