ചണ്ഡിഗഢ്: മുന്‍ പഞ്ചാബ് മുഖ്യമന്ത്രി സുര്‍ജിത് സിങ് ബര്‍ണാല അന്തരിച്ചു. അസുഖത്തെ തുടര്‍ന്ന് ആശുപത്രിയിലായിരുന്നു അന്ത്യം. 91 വയസായിരുന്നു.
1985 മുതല്‍ 1987 വരെയാണ് ബര്‍ണാല പഞ്ചാബ് മുഖ്യമന്ത്രി പദത്തിലിരുന്നത്. 2000ത്തിനും 2011നുമിടയില്‍ തമിഴ്‌നാട്, ആന്ധ്രാപ്രദേശ്, ഉത്തരാഖണ്ഡ് എന്നീ സംസ്ഥാനങ്ങളില്‍ ഗവര്‍ണറായിരുന്നു. 1997ല്‍ ഉപരാഷ്ട്രപതി സ്ഥാനാര്‍ഥിയുമായിരുന്നു. കഴിഞ്ഞ ദിവസം അസുഖത്തെ തുടര്‍ന്ന് ചണ്ഡീഗഢിലെ പോസ്റ്റ് ഗ്രാജ്വേറ്റ് ഇന്‍സ്റ്റിറ്റ്യൂട്ട് ഓഫ് മെഡിക്കല്‍ എജ്യുക്കേഷന്‍ ആന്‍ഡ് റിസര്‍ച്ചില്‍(പി.ജി.ഐ.എം.ഇ.ആര്‍) പ്രവേശിപ്പിച്ചതായിരുന്നു. ആശുപത്രിയില്‍ വച്ചുതന്നെയാണ് അന്ത്യവും.