ഹൊസ്ദുര്‍ഗ്: പ്രതിസന്ധികളെ നേരിടാന്‍ മനുഷ്യനെ പ്രാപ്തനാക്കുന്നതു വായനയാണെന്നും പുസ്തകങ്ങളാണു ലോകത്തെ കാണാനുള്ള വാതിലുകളെന്നും നീലേശ്വരം നഗരസഭാ ചെയര്‍മാന്‍ പ്രൊഫ.കെ.പി ജയരാജന്‍ അഭിപ്രായപ്പെട്ടു. പെരിഗമന ഈശ്വരന്‍ നമ്പൂതിരിയുടെ പുസ്തക കൈമാറ്റത്തോടനുബന്ധിച്ചു പി സ്മാരകത്തില്‍ സംഘടിപ്പിച്ച സെമിനാറിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കെ നാരായണന്‍ അധ്യക്ഷനായി. വാസു ചോറോട് മുഖ്യപ്രഭാഷണം നടത്തി.
വി ഓമന, എം.ഒ വര്‍ഗീസ്, വി ചന്ദ്രബാബു, ജയന്‍ മാങ്ങാട്, രാജ്‌മോഹന്‍ നീലേശ്വരം, രവീന്ദ്രന്‍ രാവണേശ്വരം, സതീദേവി കരിയാട്, കെ.വി സഞ്ജീവന്‍, കെ.എം വിനീത സംസാരിച്ചു.
സെമിനാറില്‍ ഡോ.എം.ആര്‍ മഹേഷ്, ദിവാകരന്‍ വിഷ്ണുമംഗലം, ഡോ.അംബികാസുതന്‍ മാങ്ങാട് സംസാരിച്ചു.