മഞ്ചേരി: സംസ്ഥാനത്തെ ഉന്നത വിദ്യാഭ്യാസരംഗം മുന്‍പില്ലാത്ത വിധം നിശ്ചലാവസ്ഥയിലായിരിക്കുകയാണന്നു ടി.വി ഇബ്രാഹീം എം.എല്‍.എ. മഞ്ചേരി യൂനിറ്റി കോളജില്‍ നടന്ന കോണ്‍ഫെഡറേഷന്‍ ഓഫ് കേരളാ കോളജ് ടീച്ചേഴ്‌സ് (സി.കെ.സി.ടി) ജില്ലാ കൗണ്‍സില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
2010നു ശേഷം ഒരു പ്രമോഷനും ലഭിക്കാത്ത വിഭാഗമായി സംസ്ഥാനത്തെ കോളജ് അധ്യാപകര്‍ മാറിയിരിക്കുകയാണ്. വിദ്യാഭ്യാസ മന്ത്രിയെക്കുറിച്ചുള്ള മുഴുവന്‍ പ്രതീക്ഷകളും അസ്ഥാനത്തായെന്നും അദ്ദേഹം പറഞ്ഞു. സി.കെ.സി.ടി ജില്ലാ പ്രസിഡന്റ് ഡോ. അബ്ദുറഹീം അധ്യക്ഷനായി. സംസ്ഥാന ജനറല്‍ സെക്രട്ടറി ഡോ. സൈനുല്‍ ആബിദ് കോട്ട മുഖ്യപ്രഭാഷണം നടത്തി. പ്രൊഫ. സലാഹുദ്ദീന്‍, ഒ. അബ്ദുല്‍ അലി, ഡോ. അബ്ദുറഹീം, ഡോ. റഷീദ് അഹമ്മദ് സംസാരിച്ചു.