വള്ളിക്കുന്ന്: കാലപ്പഴക്കം മൂലം വള്ളിക്കുന്നിലെ സ്‌കൂള്‍ കെട്ടിടങ്ങളില്‍ പലതും അപകട ഭീഷണിയുയര്‍ത്തുന്നു.
അന്‍പതും അറുപതും വര്‍ഷങ്ങള്‍ക്ക് മുന്‍പുണ്ടാക്കിയ ഓട് മേഞ്ഞ കെട്ടിടത്തിലാണ് പല മാനേജ്‌മെന്റ് സ്‌കൂളുകളും പ്രവര്‍ത്തിക്കുന്നത്. ഇതില്‍ നാല് ഭാഗങ്ങളും പൂര്‍ണമായും മതില്‍ കെട്ടാത്ത കെട്ടിടങ്ങള്‍ നിരവധിയാണ് . റോഡരുകിലുള്ള കെട്ടിടങ്ങള്‍ക്ക് പൂര്‍ണമായും മതില്‍ ഇല്ലാത്തതിനാല്‍ വാഹനങ്ങളുടെയും മറ്റും ശബ്ദങ്ങള്‍ തടയാനുമാകുന്നില്ല. ഇതില്‍ 19 53 നിര്‍മിച്ച കെട്ടിടങ്ങള്‍ പോലും ഉണ്ടെന്നാണ് പറയപ്പെടുന്നത്. അറ്റകുറ്റപ്പണി പോലും നടത്താതെ പ്രവര്‍ത്തിക്കുന്ന ഇത്തരം മാനേജ്‌മെന്റ് സ്‌കൂളുകള്‍ കണ്ടെത്തി മാനേജ്‌മെന്റുകള്‍ക്കെതിരെ അധികൃതര്‍ കര്‍ശന നടപടി സ്വീകരിക്കണമെന്നാണ് നാട്ടുകാരുടെ ആവശ്യം.