അരീക്കോട്: നോട്ട് നിരോധനത്തിലൂടെ നരേന്ദ്രമോദി ജനങ്ങളെ പ്രയാസപ്പെടുത്തിയതിന് പിന്നാലെ റേഷന്‍ സമ്പ്രദായം അട്ടിമറിച്ച് പിണറായി അന്നം മുടക്കി കേരളജനതയെ പട്ടിണിക്കിടുകയാണെന്ന് കെ.പി.സി.സി വൈസ് പ്രസിഡന്റ് വി.ഡി സതീശന്‍ എം.എല്‍.എ പറഞ്ഞു.
അരീക്കോട് നടന്ന പനോളി അബ്ദുറഹ്മാന്‍ അസ്മരണ സദസ്സ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കെ ശശികുമാര്‍ അധ്യക്ഷനായി. ഡി.സി.സി ജനറല്‍ സെക്രട്ടറി കെ.പി നൗഷാദലി, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി വിദ്യാ ബാലകൃഷ്ണന്‍, യൂത്ത് ലീഗ് ജില്ലാ വൈസ് പ്രസിഡന്റ് കെ.ടി അഷ്‌റഫ്, രാജീവ് മാസ്റ്റര്‍, സി ഗോപി, പി.വി കോയ, യു ഹനീഫ, തടത്തില്‍ കുഞ്ഞാപ്പു സംസാരിച്ചു.