കിഴിശ്ശേരി: കടുങ്ങല്ലൂര്‍ ടൗണിലെ മൂന്ന് കടകളില്‍ മോഷണം. ടൗണിലെ രാജീവ് വൈദ്യശാല, പാറാസ് വെജിറ്റബില്‍സ്, എന്‍.എം സ്റ്റോര്‍ എന്നീ കടകളിലാണ് മോഷണം നടന്നത്. കടകളില്‍ നിന്നായി മുവായിരത്തോളം രൂപ നഷ്ടപ്പെട്ടിട്ടുണ്ടണ്ട്. രാത്രി പതിനൊന്നിന് ശേഷമാണ് മോഷണം നടന്നതെന്നാണ് നിഗമനം.
രാത്രി പത്തിനു ശേഷം കടയടച്ചു പോയവര്‍ രാവിലെ കട തുറക്കാന്‍ വന്നപ്പോഴാണ് മോഷണ വിവരമറിഞ്ഞത്. മോഷ്ടാക്കള്‍ പൂട്ട് മുറിച്ചാണ്് അകത്തുകയറിയത്. പ്രദേശത്തെക്കുറിച്ച് നന്നായി അറിയുന്നവരാണ് മോഷ്ടാക്കളെന്നാണ് നാട്ടുകാര്‍ കരുതുന്നത്.
ദിവസങ്ങള്‍ക്ക് മുമ്പും ഈ പ്രദേശത്ത് മോഷണം നടന്നിരുന്നു. അന്ന് അഞ്ചു കടകളിലാണ് മോഷ്ടാക്കള്‍ കയറിയത്. കൂടാതെ മാസങ്ങള്‍ക്കു മുമ്പ് മലഞ്ചരക്കു കടയിലും മോഷണം നടന്നിരുന്നു. അരീക്കോട് പൊലിസ് സ്്ഥലത്തെത്തി അന്വേഷണമാരംഭിച്ചു.