കല്ലമ്പലം: പുതുവത്സരത്തലേന്ന് രാത്രിയില്‍ സംഘം ചേര്‍ന്ന് വീടുകള്‍ക്കുമുന്നില്‍ നിന്ന് അസഭ്യവര്‍ഷം നടത്തുകയും പുറത്തിറങ്ങിയ ഗൃഹനാഥനേയും വിദ്യാര്‍ഥികളായ പെണ്‍മക്കളെയും കടന്നു പിടിക്കുകയും മര്‍ദിക്കുകയും ചെയ്ത സംഭവത്തില്‍ പൊലിസ് പ്രതികളെ പിടികൂടുന്നില്ലെന്നാക്ഷേപം.
നാവായിക്കുളം വെട്ടിയറ കുഴയ്ക്കാട്ടുകോണം മാവിള വീട്ടില്‍ അംബികയുടെയും അനുജത്തി അജിതയുടെയും വീടിനു നേര്‍ക്കാണ് രാത്രിയില്‍ ആറംഗസംഘം അക്രമം നടത്തിയത്. പള്ളിക്കല്‍ പൊലിസില്‍ സംഭവദിവസം തന്നെ പരാതി നല്‍കിയെങ്കിലും പൊലിസ് പ്രതികളെ സംരക്ഷിക്കുന്ന നിലപാടാണ് സ്വീകരിച്ചതെന്ന് അംബിക പറഞ്ഞു.